يوم الحجوزات مرتب بالساعة
تفتح اليوم وتشوف الحجوزات مقسمة على الساعات، وكل حجز عليه خطوته الجاية: تعيين طاولة، أو تحصيل العربون، أو تسجيل الوصول. وتنتقل بين الأيام بسهم.
الحجوزات وقائمة الانتظار
كل حجز له طاولة وكل ضيف له مكان
تسجل الحجز وأنت تشوف الأوقات المكتملة والطاولات الفاضية، وتعرف مين تأخر قبل ما تعطي طاولته لغيره، وتجلس اللي ينتظرون على أول طاولة تفضى.
ليش دفتر الحجوزات ما يكفي؟
الدفتر يقول لك مين حجز، بس ما يقول لك وش الطاولات الفاضية الساعة تسع، ولا إن ضيف الساعة ثمان تأخر عشرين دقيقة وطاولته محجوزة له، ولا إن العائلة اللي واقفة عند الباب تنتظر من نص ساعة. والعربون اللي انحصل يضيع بين الدفتر والصندوق: محد يعرف إذا انرد أو انحجز.
في لقمة، الحجوزات جزء من الصالة والكاشير: الحجز ينحط على طاولة من خريطة الصالة، والطاولة المحجوزة تظهر باسم ضيفها، ولما يوصل تفتح طلبه من نفس المكان.
كيف تشتغل في لقمة
حجز جديد يعرف وش الفاضي
تكتب رقم الجوال فيطلع اسم العميل إذا كان مسجل، وتختار عدد الضيوف، فتظهر لك أوقات كل نص ساعة والمكتمل منها عليه «مكتمل»، والطاولات اللي تكفي العدد وفاضية في ذاك الوقت بس.
المتأخر يطلع أول
الضيف اللي تأخر يظهر فوق كل شي، ومعه كم تأخر وكم باقي على مهلة طاولته، وأربع أزرار: وصل، تمديد ربع ساعة، اتصال، لم يحضر.
عربون كاش أو أونلاين
تحدد عربون للحجز وتسجله لما يندفع كاش أو شبكة، أو ترسل للضيف رابط يدفع منه أونلاين. ولو ما حضر تختار: تحتجز العربون أو ترده، كامل أو جزء منه.
قائمة الانتظار جنب الطاولات الفاضية
تضيف اللي واقفين عند الباب بعددهم ورقمهم، وتشوف كم انتظر كل واحد، وفوقهم الطاولات المتاحة الحين وكم كرسي فيها. تعلّم إنك نبهته، وبعدها تجلسه على طاولة بضغطة.
من الحجز للطلب بضغطة
الطاولة المحجوزة في خريطة الصالة بإطار متقطع واسم ضيف اليوم. لما يوصل تضغط «تسجيل الوصول وبدء الطلب»، فيتحول الحجز لجالس وينفتح طلب الطاولة.
تفاصيل تفرق في ليلة مزحومة
- اليوم محسوب بتوقيت الرياض، فحجز الساعة وحدة بالليل يظهر في ليلته مو في اليوم اللي بعده
- «متأخر» ومهلة الطاولة يتحدثون كل نص دقيقة لحالهم
- التمديد يحرك وقت الحجز ربع ساعة، فما يظهر متأخر بعد ما عطيته وقت
- تقدر تسجل حجز بدون طاولة لو الصالة مليانة، ويطلع أول اليوم عشان تعين له طاولة
- الحجز الملغي ما ينحسب في أرقام اليوم
- إذا تأخر أكثر من ضيف، يتجمعون تحت سطر واحد عشان ما يغطون باقي اليوم
- الكاشير والويتر يقدرون يسجلون الحجز، والحذف للمدير بس
- العربون الأونلاين يمر عبر بوابة الدفع المفعلة لمطعمك، ورده يرجع لنفس البطاقة
- على التابلت وتطبيق الكمبيوتر ولوحة التحكم في المتصفح
الحجوزات وقائمة الانتظار متاحة في باقة النمو وباقة الاحتراف. الأسعار
أسئلة شائعة
حاليا لا. العميل يحجز بالاتصال أو الواتساب، وفريقك يسجل الحجز في لقمة وهو يشوف الأوقات والطاولات الفاضية. وإذا تبي عربون، ترسل له رابط يدفع منه أونلاين.
تكتب مبلغ العربون في الحجز، وإذا دفع كاش أو شبكة تسجله «مدفوع». أو ترسل له رابط دفع أونلاين، ولما يدفع يتحدث الحجز لحاله. العربون الأونلاين يحتاج بوابة الدفع مفعلة لمطعمك، ولها رسومها.
لما تضغط «لم يحضر» والعربون مدفوع، يسألك: تحتجزه أو ترده. وتقدر ترد جزء منه وتحتجز الباقي كرسوم إلغاء من لوحة التحكم. وكل حركة تنحفظ على الحجز.
لا، وهذا مقصود. النظام يعرض لك كم باقي على مهلة الطاولة، وأنت تقرر: تمدد، أو تتصل، أو تسجله «لم يحضر». ما نعطي طاولة ضيف لغيره بدون ما يقرر أحد من فريقك.
الحجز له وقت محدد وطاولة. قائمة الانتظار للي يجون بدون حجز: تسجل اسمه وعدده ورقمه، وتجلسه على أول طاولة تناسبه. والاثنين في نفس الشاشة لأنهم نفس القرار: مين يجلس على أي طاولة.
لا يرسل حاليا رسائل تذكير. رقم الضيف محفوظ في الحجز، وزر «اتصال» على الحجز المتأخر يفتح الاتصال على رقمه.
شغّل لقمة من الوردية الجاية
اطلب عرض تجريبي على مطعمك، وشوف كيف يشتغل لقمة قبل لا تقرر، بدون أي التزام.