خريطة بنفس ترتيب صالتك
تسحب الطاولات لمكانها الحقيقي، مربعة أو دائرية، وتقسمها على أقسام مثل داخلي وخارجي. والترتيب نفسه يظهر على التابلت والجوال وتطبيق الكمبيوتر ولوحة التحكم، والصالة كلها تبان في الشاشة بدون تمرير.
الصالة والطاولات
صالتك كلها قدامك وكل طاولة بحالتها
ترسم الصالة مرة بنفس ترتيبها، وبعدها تعرف بنظرة وحدة وش المتاح ووش المشغول ومين ينتظر الحساب، وتشتغل على أي طاولة بضغطة.
ليش قائمة أرقام الطاولات ما تكفي؟
الكاشير اللي يعرض الطاولات كأزرار مرقمة يخلي الموظف يحفظ وين طاولة 12، ويسأل زميله هل طاولة 7 دفعت أو لا. ووقت الزحمة تنحجز طاولة لضيف جاي وتنعطى لغيره، وتبقى طاولة «مشغولة» في النظام والضيف طلع من ساعة.
في لقمة، الطاولات خريطة لصالتك نفسها: كل طاولة في مكانها وبشكلها، ولونها يتغير مع حالة طلبها، ولما تضغطها تشوف فاتورتها والخطوة الجاية عليها، وأنت في نفس الشاشة.
كيف تشتغل في لقمة
لون لكل حالة
المتاحة خضراء، واللي فيها ضيوف يأكلون حمراء، واللي تنتظر الدفع برتقالية، والمحجوزة زرقاء بإطار متقطع. وفوق الخريطة نسبة الإشغال وعدد كل حالة، وكل قسم عليه عدد طاولاته.
لوحة الطاولة بدون ما تطلع من الصالة
تضغط الطاولة فتطلع لوحتها: أصناف فاتورتها، والمتبقي للتحصيل، وزر كبير واحد حسب حالتها. متاحة: «بدء طلب» بعد ما تختار كم ضيف. مشغولة: «إضافة أصناف». تنتظر الدفع: «دفع» بالمبلغ. محجوزة: «تسجيل الوصول وبدء الطلب».
نقل وتقسيم ودفع من نفس اللوحة
تحت الزر الكبير أزرار الخطوات الثانية: الدفع وفتح الطلب والنقل لطاولة ثانية، وتقسيم الفاتورة، والحجز أو الجلوس من قائمة الانتظار، وإلغاء الحجز أو الاتصال بصاحبه. وكل زر يظهر لمن عنده صلاحيته بس.
الأصناف اللي ما انرسلت للمطبخ تبان
لو فيه أصناف على الطاولة لسا ما وصلت المطبخ، تطلع في سطر برتقالي «2 لم ترسل للمطبخ»، وتضغطه فترسلها. هذا الشي الوحيد على الفاتورة اللي محد يطبخه والخريطة ما تقدر توريك إياه.
باركود لكل طاولة
كل طاولة لها باركود يطلب منه الضيف ويدفع، وطلبه يظهر على نفس الطاولة. ولو انسرق الملصق أو تبي تغيره، تجدد الباركود أو تلغيه والقديم يوقف.
تفاصيل تفرق في الصالة
- صفحة إدارة الطاولات والأقسام: كم طاولة وكم كرسي في كل قسم، والطاولات اللي لسا ما انحطت في الخريطة
- الطلب المحلي ينربط بطاولة، فما فيه طلب صالة ما تعرف وين ضيفه
- الطاولة اللي عليها طلب مفتوح تظهر مشغولة حتى لو حالتها ما تحدثت يدوي
- الخريطة ما تنعكس في العربي، عشان اليمين يبقى يمين صالتك
- الطاولة المحجوزة تظهر باسم ضيف اليوم بس، مو ضيف الأسبوع الجاي
- نسبة الإشغال تحسب المحجوزة مع المشغولة، لأنها ما تنعطى لزبون جاي بدون حجز
- جولة الباركود اللي ما اندفعت تنلغى بعد خمس دقائق، فما تبقى الطاولة محجوزة على فاتورة ميتة
- الويتر اللي ما يقدر يبيع يشوف لوحة الطاولة ويقرأ فاتورتها
- على التابلت تطلع اللوحة فوق الخريطة في الجهة البعيدة عن الطاولة، فما تغطيها
الصالة والطاولات والباركود لكل طاولة في كل الباقات. والحجوزات وقائمة الانتظار من باقة النمو. الأسعار
أسئلة شائعة
إيه. من الخريطة تضغط «ترتيب» وتسحب كل طاولة لمكانها، وتختار شكلها مربع أو دائري. والأقسام والطاولات تنضاف من صفحة الإدارة، والترتيب يظهر نفسه على كل الأجهزة.
تضغط الطاولة وتختار «نقل»، فينفتح الطلب على شاشة النقل وتختار الطاولة الجديدة. والفاتورة تنتقل بكل أصنافها ودفعاتها.
إيه، من صفحة الطلب: تقسم الفاتورة على الضيوف أو تدمج فاتورتين. ومن لوحة الطاولة زر «تقسيم» يوديك لها مباشرة لما تكون الطاولة تنتظر الدفع.
حاليا لا. الطاولة تكون متاحة أو مشغولة أو محجوزة، وتصير متاحة أول ما ينقفل طلبها.
إيه. تطبيق لقمة يشتغل على الجوال والتابلت، والويتر يشوف الخريطة ويفتح الطلبات حسب الصلاحيات اللي تعطيه إياها.
طلبه يظهر على نفس الطاولة في الخريطة وفي شاشة الطلبات، ويوصل المطبخ. وكل ضيف على الطاولة يقدر يطلب ويدفع فاتورته بنفسه.
شغّل لقمة من الوردية الجاية
اطلب عرض تجريبي على مطعمك، وشوف كيف يشتغل لقمة قبل لا تقرر، بدون أي التزام.