الفترة اللي تبيها، أو وردية وحدة
اليوم، أمس، آخر 7 أيام، آخر 30 يوم، أو من تاريخ لتاريخ، أو وردية صندوق وحدة. وكل رقم جنبه نسبة التغير عن الفترة اللي قبلها، فتعرف هل اليوم أحسن من أمس فعلا.
التقارير
أرقام مطعمك واضحة وصادقة
وش انباع، ومين باع، وكيف انحصّل، وكم ربحت، لليوم أو لأي فترة أو لوردية وحدة. من الكاشير أو جوالك أو لوحة التحكم.
ليش تقارير الكاشير العادية تضلّل أحيانا؟
أغلب أنظمة الكاشير تعطيك رقم مبيعات واحد كبير، وهو في الحقيقة فيه الإكراميات والضريبة، فيطلع اليوم أحسن من حقيقته. والطلب اللي الضيف تركه وانلغى ينحسب خسارة، والمرتجع يختفي بين الأرقام. وفي الآخر تصدّر ملف وتجلس ترتبه بنفسك.
في لقمة، كل رقم محسوب بقاعدة واضحة: المبيعات بدون الإكرامية، والصافي بدون الضريبة، والإكراميات في سطر لحالها. وتختار الفترة مرة، وكل التقارير تقرأها.
كيف تشتغل في لقمة
المبيعات بأرقامها الصح
الإجمالي بدون الإكرامية، والصافي بدون ضريبة القيمة المضافة والضريبة الانتقائية، والخصومات، وعدد الطلبات ومتوسط الفاتورة. والإكراميات لحالها، يوم بيوم ولكل موظف.
وش انباع ومين باعه
الأصناف الأكثر مبيعا، وكل حجم في سطره، والمبيعات حسب الفئة، وحسب الموظف، وحسب الطاولة والقسم. فتعرف أي صنف يشيل المنيو وأي موظف يشيل الوردية.
كيف انحصّلت الفلوس
المبالغ لكل طريقة دفع باسمها اللي حطيته أنت، والمدفوعات بالبطاقة حسب نوعها (مدى، فيزا، ماستركارد، Apple Pay...)، والمدفوعات الإلكترونية حسب مصدرها: المتجر أونلاين، أو باركود الطاولة، أو رابط الدفع.
الربح وتكلفة الطعام
الإيراد والتكلفة والربح لكل صنف من تكلفته ووصفته. ومع المخزون، تقرير تكلفة الطعام يقارن اللي المفروض انصرف حسب الوصفات باللي انصرف فعلا، والهدر والعجز لحاله.
في جيبك وفي إيميلك
التقارير في تطبيق لقمة على الجوال والتابلت والكمبيوتر، وتشاركها PDF. ومن لوحة التحكم تشغل أي تقرير وتصدّره CSV، أو تجدوله يوصلك على الإيميل يومي أو أسبوعي أو شهري.
تفاصيل تفرق لما تقرأ الأرقام
- الإلغاءات مع سببها، ومؤرخة بوقت الإلغاء نفسه مو وقت الطلب
- طلب الضيف اللي ما اندفع وانلغى ما ينحسب خسارة في الإلغاءات
- المرتجعات في تقرير لحالها، مو مخفية داخل المبيعات
- الصنف اللي ما له تكلفة يطلع واضح، بدل ما يطلع ربحه 100%
- مقارنة الفروع لما تختار «كل الفروع»
- بطاقات الهدايا: المباع، والمستبدل، والرصيد القائم
- قيمة المخزون الحالية وتقرير المشتريات حسب المورد
- ضريبة القيمة المضافة: المرسل للهيئة، واللي بانتظار الإرسال، والفاشل
- تقييمات قوقل: كم ضيف انعرض له زر التقييم بعد الدفع، وكم واحد فتح صفحة التقييم
- لوحة التحكم الرئيسية تعرض آخر 7 أو 30 أو 90 يوم
التقارير في كل الباقات. وتقرير تكلفة الطعام الفعلية وقيمة المخزون والمشتريات من باقة النمو، لأنها تحتاج المخزون. الأسعار
أسئلة شائعة
إيه. تطبيق لقمة على الجوال فيه التقارير نفسها اللي في الكاشير: المبيعات والدفع والأصناف والفريق والطاولات والعمليات والمالية، لليوم أو لأي فترة، وتشاركها PDF.
لأن الإكرامية فلوس الموظفين، مو مبيعات المطعم. لو دخلت المبيعات، يطلع متوسط الفاتورة أعلى من حقيقته والضيف الكريم يبان أكبر عميل. عشان كذا الإكراميات في سطر لحالها، وتشوفها يوم بيوم ولكل موظف.
إيه. تختار الوردية بدل الفترة، وكل التقارير تنحسب على الطلبات اللي انقفلت فيها والمرتجعات اللي انسجلت فيها، بنفس قاعدة تقرير Z، فالأرقام تطابق الصندوق.
إيه. من لوحة التحكم تشغل التقرير اللي تبيه للفترة اللي تبيها وتنزله CSV ينفتح في إكسل، أو تجدوله يوصلك على الإيميل كملف بشكل يومي أو أسبوعي أو شهري.
تقرير التكلفة والهامش يعرض لكل صنف الإيراد والتكلفة والربح، إذا حطيت تكلفة الصنف أو وصفته. والأصناف اللي بدون تكلفة تطلع لحالها، عشان تكملها بدل ما تصدق ربح وهمي.
إيه. لما تختار «كل الفروع»، يطلع كل فرع بعدد طلباته ومبيعاته ومتوسط فاتورته وخصوماته وإلغاءاته.
شغّل لقمة من الوردية الجاية
اطلب عرض تجريبي على مطعمك، وشوف كيف يشتغل لقمة قبل لا تقرر، بدون أي التزام.