مبدل فروع واحد
فوق في لوحة التحكم تختار فرع أو «كل الفروع»، وكل الصفحات تقرأ اختيارك: الطلبات والتقارير والمخزون والموظفين. فما تضيع بين صفحة مفلترة على فرع وصفحة ثانية على فرع ثاني.
إدارة الفروع
فرعين أو عشرة من حساب واحد
كل فرع له كاشيره وصندوقه ومخزونه وفواتيره، وأنت تشوفها كلها من مكان واحد، وتقارن بينها، وتنقل البضاعة من فرع لفرع.
وين تتعقد الأمور لما يصير عندك فرع ثاني؟
مع الفرع الثاني تبدأ الأسئلة: أي فرع باع أكثر أمس؟ ليش مخزون الدجاج خلص هنا وزايد هناك؟ ومين من الموظفين يشتغل وين؟ ولو كل فرع على نظام لحاله، تجمع الأرقام كل ليلة في جدول، وتعدل المنيو مرتين، والمخزون ما يتحرك بين الفروع إلا بالاتصال.
في لقمة، الفروع تحت حساب واحد: المنيو واحد، وكل فرع له بياناته وأجهزته وورديته، وكل شاشة في النظام تقدر تشوفها لفرع واحد أو لكل الفروع بضغطة.
كيف يشتغل في لقمة
منيو واحد لكل الفروع
تضيف الصنف أو تعدله مرة وحدة، ويتحدث في كاشير كل الفروع وفي متجرك أونلاين. بدون نسخ المنيو لكل فرع ولا فرق بين فرع وفرع لأن أحد نسي يحدث.
مخزون كل فرع والتحويل بينها
كل فرع ومستودع له مخزونه. ولو فرع ناقصه شي وفرع ثاني عنده، تسوي طلب تحويل ينتظر الاعتماد، ولما ينعتمد تنتقل الكميات من مخزون لمخزون، ولو رجعت البضاعة تسجل الإرجاع.
كل فرع بإعداداته
لكل فرع عنوانه الوطني اللي يطلع في فاتورته الضريبية، وموقعه على الخريطة، وساعات عمله، ورقمه. ولكل فرع أجهزته وطابعاته ومطابخه وطاولاته ومناطق توصيله.
الموظفين حسب الفرع
تحدد لكل مستخدم الفروع اللي يشتغل فيها وأدواره، فالكاشير في فرع العليا يشتغل على فرعه، والمدير اللي يتنقل بين الفروع يشوفها كلها.
قارن الفروع جنب بعض
لما تختار «كل الفروع» في تقارير التطبيق، يطلع لك كل فرع بعدد طلباته ومبيعاته ومتوسط فاتورته وخصوماته وإلغاءاته، والإكراميات جنبها. المبيعات تنحسب بدون الإكرامية، عشان تقارن اللي انباع فعلا.
تفاصيل تفرق مع كل فرع جديد
- كل فرع له وردياته وصندوقه وتقرير Z حقه
- كل فرع له عداد فواتير ضريبية خاص فيه
- متجر الطلب أونلاين يعرض فروعك وساعات كل فرع، والضيف يختار الفرع اللي يستلم منه
- الإيقاف المؤقت للتوصيل أو الاستلام يوقف فرع الكاشير بس، والباقي يكمل
- ساعات العمل لكل فرع، والدوام اللي يعدي نص الليل يبقى يوم واحد
- الحجوزات وخريطة الطاولات لكل فرع
- التحويل بين الفروع له حالة واضحة: بانتظار الاعتماد، أو معتمد، أو مرفوض، أو مرتجع
- الفرع الجديد يضيفه فريق لقمة لحسابك، وأنت تكمل بياناته من لوحة التحكم
- الاشتراك لكل فرع، فتدفع على الفروع الشغالة بس
الاشتراك يكون لكل فرع: سعر الباقة × عدد فروعك الشغالة. ومخزون الفروع والتحويل بينها من باقة النمو. الأسعار
أسئلة شائعة
تطلبه من فريق لقمة ونضيفه لحسابك، لأن كل فرع له اشتراكه. بعدها تكمل بياناته من لوحة التحكم: العنوان الوطني والموقع وساعات العمل، وتربط أجهزته وطابعاته.
إيه. تختار «كل الفروع» من المبدل فوق، فتشوف الأرقام مجمعة، وفي تقارير التطبيق تطلع مقارنة بين الفروع بالطلبات والمبيعات ومتوسط الفاتورة.
إيه، المنيو واحد للمطعم كله. تعدل الصنف مرة فيتحدث في كاشير كل الفروع ومتجرك أونلاين.
من المخزون تسوي طلب تحويل بالأصناف والكميات، وينتظر الاعتماد أو الرفض. ولما ينعتمد تنقص الكميات من فرع وتزيد في الثاني، وكل حركة مسجلة في حركة المخزون.
إيه. تعطي المستخدم أكثر من فرع، ويختار الفرع اللي يشتغل عليه في التطبيق.
كل فرع باشتراك الباقة اللي تختارها، فالمجموع سعر الباقة × عدد الفروع الشغالة. بدون رسوم لكل جهاز أو لكل مستخدم فوق حدود الباقة. التفاصيل في صفحة الأسعار.
شغّل لقمة من الوردية الجاية
اطلب عرض تجريبي على مطعمك، وشوف كيف يشتغل لقمة قبل لا تقرر، بدون أي التزام.