وصفة للصنف، وللحجم، وللإضافة
تحدد مكونات كل صنف وكمياتها. الحجم الكبير له وصفته الخاصة اللي تحل محل الأساسية، والإضافة مثل «جبن زيادة» أو «شوت إسبريسو» تنقص مكوناتها فوق الصنف، مرة لكل وحدة.
المخزون والوصفات
تعرف كم كلفتك كل وجبة ووين راح مخزونك
كل طلب ينقص مكوناته من المخزون حسب الوصفة، وكل صنف تعرف تكلفته من أسعار شرائك، وآخر الشهر تعرف كم ضاع وعلى أي مكون.
ليش المخزون أصعب شي في المطعم؟
المبيعات سهل تعرفها: الكاشير يجمعها لك. الصعب هو التكلفة. اللحم ينشرى بالكيلو وينباع بالجرام، والبرجر الكبير ياخذ أكثر من الصغير، وكل جبن زيادة يطلع من الرف بدون ما أحد يسجله، والأكل اللي انطبخ لطلب انلغى يروح الزبالة. فآخر الشهر تشوف الربح أقل من المتوقع، وما تعرف السبب.
في لقمة، المخزون مربوط بالكاشير والمنيو: كل صنف له وصفة، وكل بيعة تنقص مكوناتها تلقائي، وكل توريدة تحدث التكلفة. فالرقم اللي تشوفه في المخزون هو اللي على الرف، والفرق بينهم له اسم وسبب.
كيف يشتغل في لقمة
تكلفة من أسعار شرائك
تكلفة كل مكون متوسط متحرك لأسعار شرائك، محسوبة لحد الجرام. فتكلفة الطبق تتغير مع أسعار موردك، وقائمة الأصناف تعرض سعر كل صنف وتكلفته وهامشه بعد الضريبة، والصنف اللي هامشه أقل من 50% يتلون عشان تنتبه له.
عملية شراء لكل توريدة
تختار المورد والفرع، وتكتب رقم فاتورته وتاريخها والأصناف بوحدة التخزين، والضريبة المكتوبة في الفاتورة وأي تكلفة إضافية مثل التوصيل. لما ترسلها يزيد المخزون وتتحدث التكلفة. والمورد اللي تشتري منه كل يوم تكرر عمليته بضغطة.
الجرد يكشف الفرق
جرد كامل أو جرد لأصناف معينة. النظام يحفظ الكمية المتوقعة لحظة بداية الجرد، ولما توافق عليه يطبق الفرق بس، فالمبيعات اللي صارت وأنت تعد ما تضيع.
التكلفة النظرية مقابل الفعلية
تقرير تكلفة الطعام يقارن اللي المفروض انصرف حسب الوصفات، مع الهدر المسجل والنقص اللي كشفه الجرد، ويرتب المكونات من الأكثر خسارة. فتعرف مو بس إنك تخسر، بل على أي مكون.
تنبيه قبل ما يخلص
تحدد حد أدنى لكل مكون والكمية اللي تبي توصلها. لما ينزل عن الحد يوصلك إشعار وبريد، وصفحة النواقص تقترح كم تطلب، وتحول اللي تختاره لأمر شراء لمورد بضغطة.
تفاصيل يحتاجها المطعم فعلا
- تشتري بالكرتون أو الكيلو وتكتب الوصفة بالجرام أو الحبة: لكل مكون وحدة تخزين ووحدة وصفة ومعامل تحويل
- مكونات تجهزها بنفسك، مثل الصوص والعجينة، لها وصفتها، وأوامر إنتاج تخصم مكوناتها وتضيف الناتج للمخزون
- الأكل اللي انطبخ لطلب انلغى بعدين ينحسب هدر، مو نقص مجهول
- مرتجع للمورد مربوط بعملية الشراء، وما يتعدى الكمية اللي باقي ما رجعت
- أوامر شراء مع استلام ناقص: إذا وصلك 8 من 10، يدخل المخزون 8
- الرقم الضريبي والسجل التجاري لكل مورد، عشان ضريبة المشتريات
- أكثر من مستودع، ومستودع مركزي يخدم أكثر من فرع، وتحويلات بطلب وموافقة
- شاشة توضح وش يستهلك كل مكون من أصناف وأحجام وإضافات، وتميز المكون اللي ما يستهلكه شي
- سجل لكل حركة مخزون وسببها: بيع، شراء، هدر، جرد، تحويل، إنتاج، مرتجع
- استيراد المكونات والموردين والمخزون من ملف Excel أو CSV
المخزون والمشتريات والموردين متاحة في باقة النمو وباقة الاحتراف. الأسعار
أسئلة شائعة
اجمع تكلفة كل مكون في الوجبة: الكمية المستخدمة ضرب سعر الوحدة. مثال: برجر فيه 150 جرام لحم والكيلو بـ40 (تكلفته 6.00)، وخبز بـ1.00، وجبن بـ0.80، وصوص بـ0.50، فتكلفته 8.30. ولو سعره 28 شامل الضريبة، فإيراده بعد الضريبة 24.35، ونسبة تكلفة الطعام 34%. في لقمة تكتب الوصفة مرة وحدة، والنظام يحسبها لكل صنف من أسعار شرائك ويحدثها مع كل توريدة.
النظرية هي اللي المفروض انصرف حسب الوصفات والكميات المباعة. الفعلية تضيف عليها الهدر المسجل، والنقص اللي يكشفه الجرد. الفرق بينهم هو اللي يأكل ربحك: زيادة في الكميات، أو تلف، أو أكل انطبخ وانرمى، أو سرقة. تقرير تكلفة الطعام في لقمة يعرض الثلاثة جنب بعض.
نعم. كل حجم تقدر تعطيه وصفته الخاصة، وكل إضافة لها مكوناتها اللي تنقص فوق الصنف. وإذا ما حددت وصفة للحجم، يستخدم وصفة الصنف الأساسية.
نعم. لكل مكون وحدة تخزين (اللي تشتري وتجرد فيها) ووحدة وصفة، وتحدد كم وحدة وصفة في وحدة التخزين. المشتريات تتسجل بالكرتون، والوصفة بالجرام، والنظام يحول بينهم.
نعم. تحدد حد أدنى لكل مكون، ولما ينزل عنه يوصلك إشعار وبريد مرة وحدة، وما يتكرر إلا إذا رجع فوق الحد ونزل مرة ثانية. وصفحة النواقص تقترح الكمية المطلوبة، وتطلعها أمر شراء للمورد.
نعم. تستورد المكونات والموردين وكميات المخزون من ملف Excel أو CSV، وتربط الوصفات بالأصناف بعدها.
شغّل لقمة من الوردية الجاية
اطلب عرض تجريبي على مطعمك، وشوف كيف يشتغل لقمة قبل لا تقرر، بدون أي التزام.