عملية شراء لكل توريدة
تختار المورد والفرع، وتكتب رقم فاتورة المورد وتاريخها، والأصناف بكمياتها وإجمالي كل سطر، والضريبة مثل ما هي مطبوعة على الفاتورة، وأي تكلفة إضافية مثل التوصيل. تحفظها مسودة لين تتأكد، ولما ترسلها تاخذ رقمها ويزيد المخزون.
المشتريات والموردين
كل توريدة بفاتورتها وكل ريال بمكانه
تسجل التوريدة زي ما وصلت بفاتورة المورد، والمخزون يزيد والتكلفة تتحدث لحالها، وتعرف كم عليك لكل مورد وكم دفعت.
ليش المشتريات هي اللي تحدد هل تكلفة طبقك صح؟
تكلفة الطبق ما تكون أدق من أسعار الشراء اللي وراها. لو التوريدات تنسجل بالتقريب، أو الضريبة تدخل في سعر المادة، أو أجرة التوصيل تنقسم على الكراتين، كل تكلفة وكل ربح في التقارير يطلع غلط. ولو المورد جاب 8 من 10 كراتين وانسجلت 10، الرف فيه أقل من النظام.
في لقمة، كل توريدة مستند لحاله بفاتورة المورد ورقمها وتاريخها وضريبتها، والتكلفة تنحسب بقاعدة واضحة من سعر الشراء بدون الضريبة، والاستلام يسجل اللي وصل فعلا.
كيف يشتغل في لقمة
التكلفة بدون الضريبة والتوصيل
تكلفة كل مادة متوسط أسعار شرائك بدون الضريبة، لأن الضريبة ترجع لك في الإقرار، وبدون التكلفة الإضافية، لأنها جزء من اللي دفعته مو من سعر المادة. ولو المخزون وصل صفر، التكلفة تبدأ من سعر التوريدة الجديدة.
إرجاع للمورد
من عملية الشراء تضغط «إرجاع الوحدات» فينفتح إرجاع مربوط فيها، وما يسمح ترجع أكثر من اللي اشتريته منها. والإرجاع ياخذ نصيبه من ضريبة الفاتورة. و«تكرار» يفتح شراء جديد بنفس الأصناف للتوريدة المعتادة.
أوامر شراء تنستلم في الفرع
تطلب من المورد بأمر شراء يمر بالمراجعة والاعتماد، والفرع يشوف من الكاشير وش جاي له ويستلمه لما يوصل. ولو التوريد ناقص، تسجل الكمية اللي وصلت بس.
فواتير الموردين ودفعاتها
تسجل دفعاتك على فاتورة المورد، وحالتها تتغير لحالها: غير مدفوعة، أو مدفوعة جزئيا، أو مدفوعة بالكامل. فتعرف كم عليك لكل مورد.
تشتري بالكرتون وتستخدم بالجرام
لكل مادة وحدة شراء ومعاملها، فتشتري كرتون فيه 12 علبة أو كيس 10 كيلو، والمخزون ينحسب بوحدة الاستخدام اللي تنصرف في الوصفات.
تفاصيل تفرق في الحسابات
- رقم عملية الشراء ينعطى لما ترسلها، فالمسودة اللي ما كملت ما تترك فراغ في الأرقام
- ضريبة المشتريات توصل خانات الإقرار الضريبي في لوحة التحكم
- تبحث عن الشراء برقمه أو برقم فاتورة المورد
- المادة اللي تتكرر في أكثر من سطر في نفس التوريدة ينحسب متوسطها صح
- تقرير المشتريات يعرض الإجمالي لكل مورد
- الدفعتين على نفس الفاتورة بنفس اللحظة ما تضيع وحدة منهم
- تاريخ الشراء بتوقيت الرياض
- كل توريدة تطلع في حركة المخزون بتكلفتها ومستندها
المشتريات والموردين وأوامر الشراء وفواتير الموردين من باقة النمو، مع المخزون. الأسعار
أسئلة شائعة
إيه، كل توريدة عملية شراء بفاتورة المورد نفسها. كذا كل رقم في المخزون والتكلفة يرجع لمستند تقدر تفتحه، ولما تشتري نفس الأشياء كل يوم، «تكرار» يفتح لك نفس الأصناف.
لأن ضريبة المشتريات تنخصم من الضريبة اللي تحصلها في الإقرار، فهي مو تكلفة عليك. لو دخلت في سعر المادة، كل طبق يطلع أغلى من حقيقته وهامشك أقل من الواقع.
لما تستلم أمر الشراء، تكتب الكمية اللي وصلت فعلا لكل صنف. المخزون يزيد باللي وصل بس، والتكلفة تنحسب عليه.
من عملية الشراء نفسها تضغط «إرجاع الوحدات»، وتختار الكميات. الإرجاع ينقص المخزون بنفس التكلفة اللي اشتريت فيها، وما يقدر يتجاوز اللي اشتريته في هذي التوريدة.
إيه. فواتير الموردين تعرض لكل فاتورة المدفوع والباقي وحالتها، وتسجل الدفعات عليها لما تدفع.
إيه. الكاشير يعرض أوامر الشراء اللي في الطريق للفرع، والموظف يستلمها من هناك لما توصل. أما إنشاء أمر الشراء واعتماده فمن لوحة التحكم.
شغّل لقمة من الوردية الجاية
اطلب عرض تجريبي على مطعمك، وشوف كيف يشتغل لقمة قبل لا تقرر، بدون أي التزام.