دجاج تونكاتسو
32.00
1متجر الطلب أونلاين
عملاؤك يطلبون منك من رابط باسم مطعمك
صفحة طلب بشكل مطعمك ومنيوك، تحطها في إنستقرام وواتساب وخرائط قوقل. الطلب يوصل الكاشير والمطبخ مثل أي طلب، والتوصيل بسائقينك.
ليش تحتاج صفحة طلب خاصة بمطعمك؟
العميل اللي يعرفك ويبي يطلب منك يروح لتطبيق توصيل، وهناك تدفع عمولة على طلب ما جابه لك التطبيق، ويشوف مطاعم ثانية جنبك قبل ما يطلب. والطلب بالواتساب أسهل، بس ينكتب بخط اليد ويضيع بين الرسائل وقت الزحمة.
في لقمة، صفحة الطلب جزء من نفس النظام: نفس المنيو اللي في الكاشير بأسعاره وصوره، والطلب يدخل شاشة الطلبات ويوصل المطبخ بدون ما أحد ينقله، والعميل يتابع طلبه من رابط.
كيف يشتغل في لقمة
رابط خاص بمطعمك
صفحتك على رابط فيه اسم مطعمك، فيها منيوك من نفس الكاشير بأسعاره وصوره وأقسامه، وساعات عمل كل فرع، وروابط واتساب وإنستقرام وسناب وخرائط قوقل.
بشكل مطعمك
تبدأ من تصميم جاهز من ستة (كلاسيك، مقهى، فاخر، حيوي، مطبخ سحابي، حلويات) وتعدل عليه: لونك وشعارك والبانر والخط وشكل المنيو، بصور أو بدون صور لو ما عندك تصوير. وتشوف المعاينة على الجوال والشاشة وأنت تعدل.
توصيل واستلام، الحين أو بموعد
الضيف يختار توصيل أو استلام، وفي أقرب وقت أو بوقت لاحق. ولو تبي تحمي المطبخ في الذروة، تحدد فترات بسعة محددة لكل فرع، والضيف يشوف الفترات اللي فيها مكان بس.
رسوم التوصيل حسب المنطقة
تحدد مناطق التوصيل برسوم وحد أدنى لكل منطقة، والضيف يحدد موقعه على الخريطة عشان سائقك يوصل للباب. والرسوم تنحسب في النظام، فما يقدر أحد يغيرها من الصفحة.
الدفع أونلاين أو عند الاستلام
إذا بوابة الدفع مفعلة لمطعمك، الضيف يدفع بالبطاقة أو Apple Pay وهو يطلب، أو يختار الدفع عند الاستلام. وتقدر تشغل «الدفع مقدما»، فالمطبخ ما يشوف الطلب ولا يبدأ فيه قبل ما ينحصل المبلغ.
إيقاف مؤقت وقت الزحمة
السائق طالع أو المطبخ مضغوط؟ الكاشير يوقف التوصيل أو الاستلام لربع ساعة أو نص ساعة أو ساعة، أو لين يشغله، لفرعه بس. والصفحة تقفل الخيار قبل ما الضيف يعبي الطلب، ويرجع لحاله لما تخلص المدة.
تفاصيل تفرق مع كل طلب
- الطلب يدخل شاشة الطلبات والمطبخ مثل أي طلب، وصفحته تقول «الطلب جاي من: المتجر الإلكتروني»
- رابط تتبع للضيف: خطوات طلبه، والأصناف مع الإضافات اللي اختارها، والفرع اللي يستلم منه
- الحد الأدنى للطلب تحدده أنت، أو تتركه بدون حد
- الإكرامية اختيارية للضيف، وما تنحسب عليها ضريبة
- ما يوصلك طلب والفرع مقفل أو ما فيه وردية مفتوحة، والصفحة تقول للضيف قبل ما يبدأ
- الدوام اللي يعدي نص الليل يعتبر يوم واحد، فالصفحة ما تقفل الساعة 12 والمطبخ شغال
- المنيو بالعربي والإنجليزي، والضيف يبدل اللغة بضغطة
- السعرات ومسببات الحساسية تظهر على الأصناف
- حد للطلبات المفتوحة لكل رقم جوال، والرقم المحظور ما يقدر يطلب، عشان الطلبات الوهمية
- على الشاشة العريضة يظهر الطلب جنب المنيو
متجر الطلب أونلاين متاح في باقة الاحتراف. ومناطق التوصيل وإدارة السائقين من باقة النمو. الأسعار
أسئلة شائعة
اشتراك لقمة ما يأخذ عمولة من مبيعاتك. إذا الضيف دفع أونلاين بالبطاقة، فيه رسوم شركة الدفع، وتظهر لك بوضوح قبل ما تفعل الدفع.
الرابط يكون useloqma.com/store/ ثم الاسم اللي تختاره لمطعمك. حاليا ما ندعم ربط دومين خاص فيك، لكن تقدر تحط الرابط في البايو وفي ملفك على خرائط قوقل وفي رسائل الواتساب.
سائقينك. طلب التوصيل يطلع في شاشة التوصيل مع عنوان الضيف وموقعه على الخريطة، فالسائق يفتح الخريطة ويوصل بدون ما يتصل يسأل عن المكان.
هذا قرارك. بشكل افتراضي الطلب يوصل على طول ويدفع الضيف عند الاستلام أو أونلاين. ولو شغلت «الدفع مقدما»، الطلب يبقى معلق وما يوصل المطبخ ولا يطلع تنبيه بوصوله لين يندفع.
إيه، إذا فعلت الطلب المجدول. الضيف يختار وقت بدل «في أقرب وقت»، وإذا حددت فترات بسعة، يشوف الفترات اللي فيها مكان بس. والطلب ينقبل وقت ما يكون الفرع شغال وفيه وردية مفتوحة.
صفحة الطلب للتوصيل والاستلام من أي مكان. الطلب من الطاولة للضيف الجالس في مطعمك: يمسح باركود طاولته ويطلب ويدفع وهو جالس، وكل ضيف له فاتورته. الاثنين في نفس الباقة ويشتغلون بنفس شكل مطعمك.
شغّل لقمة من الوردية الجاية
اطلب عرض تجريبي على مطعمك، وشوف كيف يشتغل لقمة قبل لا تقرر، بدون أي التزام.