مناطق التوصيل على الخريطة
ترسم دائرة حول الفرع بنصف قطر تحدده، أو ترسم أي منطقة بالشكل اللي تبيه. ولكل منطقة رسوم توصيل، وحد أدنى للطلب، ووقت توصيل متوقع.
إدارة التوصيل
توصّل بسائقينك وبرسوم تعرف من وين جت
تحدد وين توصل وبكم، والنظام يحسب رسوم كل طلب من موقع الضيف، وتسند التوصيلة لسائقك وتعرف وين وصلت.
ليش رسوم التوصيل تضيع فلوس على المطاعم؟
لما الرسوم تنحدد بالكلام («حي قريب» أو «بعيد شوي»)، كل موظف يقدرها بطريقته، والضيف يختار اسم الحي الأرخص، والسائق يطلع لعنوان مكتوب ويتصل يسأل عن الباب. وفي آخر الشهر ما تعرف كم كلفك التوصيل وكم حصّلت عليه.
في لقمة، مناطق التوصيل مرسومة على الخريطة، والرسوم تنحسب من موقع الضيف نفسه، والسائق يفتح الموقع على الخريطة. ونفس القاعدة تحسب للكاشير وللمتجر أونلاين، فالسعر اللي يشوفه الضيف هو اللي يندفع.
كيف يشتغل في لقمة
نطاقات جاهزة بضغطة
ما تبي تبدأ من الصفر؟ «اقترح نطاقات جاهزة» يعطيك ثلاث حلقات حول فرعك، تعدل رسومها وحدودها وتحفظها.
منطقة ما توصل لها
فيه مجمع أو حي ما تخدمه وسط منطقتك؟ ترسمه كمنطقة مستثناة بدون ما تقسم المنطقة حولها. ولو منطقتين تداخلوا، تحدد أي وحدة تغلب.
جرّب أي عنوان قبل الضيف
تضغط على أي نقطة في الخريطة ويقول لك: داخل أي منطقة، وكم الرسوم، وكم الوقت المتوقع، وإذا كانت قريبة من حدود المنطقة. ولو برا النطاق، يقول لك كم تبعد أقرب منطقة.
سائقينك والتوصيلات
تضيف سائقينك بأسمائهم وأرقامهم، وكل توصيلة تظهر برقم طلبها: تسندها لسائق، وتتابع حالتها من بانتظار، إلى تم الإسناد، إلى تم الاستلام، إلى تم التوصيل.
نفس السعر في الكاشير والمتجر
في المتجر أونلاين الضيف يحدد موقعه على الخريطة والرسوم تنحسب منه، وفي الكاشير يختار الموظف منطقة الطلب الهاتفي ورسومها تنضاف. والرسوم تنحسب في النظام، فما يقدر أحد يعدلها من الصفحة.
تفاصيل تفرق مع كل توصيلة
- الضيف ما يقدر يختار اسم منطقة أرخص، لأن الرسوم تنحسب من موقعه على الخريطة
- لو تغيرت الرسوم بعد ما شافها الضيف، الطلب ما ينقبل بسعر أعلى من اللي وافق عليه
- موقع الضيف ينحفظ مع التوصيلة، والسائق يفتحه على خرائط قوقل بضغطة
- رسوم التوصيل تطلع في فاتورة الطلب وفي رابط تتبع الضيف
- طلب التوصيل من المتجر لازم يكون معه موقع على الخريطة، مو عنوان مكتوب بس
- الكاشير يوقف التوصيل مؤقتا لما السائق طالع: ربع ساعة أو نص ساعة أو ساعة أو لين يشغله
- مناطق كل فرع لحاله، وتبدأ من موقع الفرع
- المنطقة اللي ما لها شكل على الخريطة تبقى اسم ورسوم يختارها الكاشير يدوي
إدارة التوصيل ومناطقه والسائقين من باقة النمو. والمتجر أونلاين اللي يحسب الرسوم من موقع الضيف في باقة الاحتراف. الأسعار
أسئلة شائعة
لا. تقدر تبدأ بمناطق بالاسم والرسوم، والكاشير يختار المنطقة للطلب. الرسم على الخريطة يخلي النظام يحسب الرسوم لحاله من موقع الضيف، وهذا اللي يحتاجه المتجر أونلاين.
حاليا لا. تسند التوصيلة للسائق وتحدث حالتها من لوحة التحكم، والسائق يفتح موقع الضيف على الخريطة من رابط. والضيف يتابع خطوات طلبه من رابط التتبع.
لكل منطقة رسوم ثابتة وحد أدنى للطلب تحددهم أنت. الطلب ياخذ رسوم المنطقة اللي فيها موقع الضيف، وتنضاف لفاتورته.
إيه. في المتجر أونلاين يحدد موقعه، فيعرف إذا كنت توصل له وبكم قبل ما يكمل الطلب. ولو برا النطاق، الصفحة تقول له.
إيه. من الكاشير توقف التوصيل لفرعك لربع ساعة أو نص ساعة أو ساعة أو لين تشغله، والمتجر يقفل خيار التوصيل قبل ما الضيف يبدأ، ويرجع لحاله لما تخلص المدة.
تحدد أولوية لكل منطقة، والأعلى أولوية تغلب في المكان المشترك. وتشوف المناطق مرتبة بنفس الترتيب اللي يختار فيه النظام، فما تتفاجأ برسوم ما توقعتها.
شغّل لقمة من الوردية الجاية
اطلب عرض تجريبي على مطعمك، وشوف كيف يشتغل لقمة قبل لا تقرر، بدون أي التزام.