العميل برقم جواله
الكاشير يبحث بالاسم أو الجوال ويربط العميل بالطلب، ولو جديد يضيفه بالاسم والرقم من نفس الشاشة. وجنب كل عميل رصيد نقاطه ومحفظته، فيعرف قبل الدفع وش عنده.
برنامج الولاء
العميل اللي يرجع لك يلقى نقاطه تنتظره
الكاشير يكتب رقم جوال العميل، والنقاط تنكسب مع الطلب وتنصرف في الطلب الجاي. والعميل الأوفى يطلع لمستوى أعلى ويكسب أكثر، بدون ما أحد يتابعه يدوي.
ليش برنامج الولاء لازم يكون داخل الكاشير؟
كرت الأختام الورق يضيع في المحفظة، والعميل ينسى يطلعه، وما تعرف مين أكثر عملائك رجوعا. وتطبيقات الولاء المنفصلة تحتاج العميل يحملها، والكاشير يفتح شاشة ثانية وقت الزحمة، والنقاط ما تعرف وش انطلب ولا وش انرجع.
في لقمة، الولاء جزء من الطلب نفسه: العميل ينربط بالطلب برقم جواله، والنقاط تنكسب لما ينقفل الطلب وتنسحب لو رجع شي منه، والدفع بالنقاط طريقة دفع مثل الكاش والشبكة.
كيف يشتغل في لقمة
نقاط تنكسب لحالها
تحدد من الإعدادات كم نقطة يكسب العميل على كل ريال، والنقاط تنضاف لما يكتمل الطلب، بدون زر زيادة ولا خطوة على الكاشير.
مستويات تكافئ الأوفى
تسوي مستويات مثل فضي وذهبي، لكل مستوى حد أدنى من النقاط ومضاعف للكسب (الذهبي يكسب ضعف مثلا). العميل يطلع للمستوى لحاله أول ما يوصل رصيده لحده.
الدفع بالنقاط
«نقاط الولاء» طريقة دفع في الكاشير: العميل يدفع الفاتورة كلها أو جزء منها بنقاطه، والباقي كاش أو شبكة. ولو انرد المبلغ بعدين، ترجع له نقاطه.
محفظة لكل عميل
تشحن رصيد في محفظة العميل من لوحة التحكم، وهو يدفع منها في الكاشير مثل أي طريقة دفع. والشحن والخصم والاسترداد كلها من ملف العميل.
ملف يعرفك على عميلك
لكل عميل ملف فيه عدد طلباته، وكم صرف (بدون الإكراميات)، ومتوسط فاتورته، وأول وآخر زيارة، وأكثر خمسة أصناف يطلبها، وعناوينه ووسومه.
تفاصيل تخلي البرنامج عادل
- المرتجع يسحب النقاط اللي انكسبت على الأصناف المرتجعة بس
- ما يقدر العميل يصرف نقاط أو رصيد أكثر من اللي عنده، حتى لو دفع من جهازين بنفس اللحظة
- المستوى ينحسب مع كل حركة نقاط: الشراء، والمرتجع، والدفع بالنقاط، والتعديل اليدوي
- تعديل النقاط أو المحفظة يدوي من ملف العميل لمن عنده صلاحية إدارة الولاء
- التعديل اليدوي للنقاط تكتب معه السبب
- طلبات المتجر أونلاين تنربط برقم جوال العميل، فتنكسب عليها النقاط مثل طلبات الكاشير
- قائمة العملاء ترتب حسب النقاط أو رصيد المحفظة، فتعرف أعلى عملائك
- العميل المحظور ما يقدر يطلب من المتجر أونلاين، ويطلع من حملات التسويق
- عناوين التوصيل بصيغة العنوان الوطني
- على التابلت وتطبيق الكمبيوتر ولوحة التحكم في المتصفح
النقاط والمستويات ومحفظة العميل في باقة النمو والاحتراف. وملفات العملاء متاحة في كل الباقات. الأسعار
أسئلة شائعة
لا. حساب العميل هو رقم جواله، والكاشير يربطه بالطلب من شاشة البيع. وحاليا ما فيه صفحة يشوف فيها العميل نقاطه بنفسه، فلو سأل عن رصيده، الكاشير يشوفه أول ما يختاره.
من الإعدادات فيه رقمين: معدل الكسب (كم نقطة على كل ريال)، ومعدل الاستبدال اللي يحدد كم تسوى النقاط لما يدفع فيها العميل. وإذا ما حددت معدل الكسب، ما تنكسب نقاط.
النظام يسحب النقاط اللي انكسبت على الأصناف اللي رجعت بس، ويعيد حساب مستوى العميل. والنقاط اللي دفع فيها ترجع له لو انرد المبلغ.
إيه. طلب المتجر أونلاين ينربط برقم جوال العميل، فلما يكتمل تنكسب عليه النقاط بنفس المعدل، ويطلع في ملف العميل مع باقي طلباته.
النقاط يكسبها العميل من مشترياته وتتحول لخصم بالمعدل اللي تحدده. المحفظة رصيد بالريال تشحنه أنت للعميل، مثلا لو دفع مقدم أو تبي تعوضه، ويدفع منه مثل الكاش.
إيه في باقة الاحتراف: صفحة التسويق تقسم عملاءك لشرائح وترسل لهم حملات. والعميل المحظور يطلع من الحملات لحاله.
شغّل لقمة من الوردية الجاية
اطلب عرض تجريبي على مطعمك، وشوف كيف يشتغل لقمة قبل لا تقرر، بدون أي التزام.